പാലക്കാട്: വടക്കഞ്ചേരിയില്‍ സ്‌കൂളിന്റെ മതില്‍ തകർന്നുവീണു. മംഗലം ഗാന്ധി സ്മാരക സ്‌കൂളിന്റെ മതിലാണ് റോഡിലേക്ക് വീണത്. അവധി ദിവസമായതിനാൽ വലിയ അപകടമാണ് ഒഴിവായത്. ഈ സമയത്ത് മറ്റു വാഹനങ്ങള്‍ ഈ വഴി പോവാത്തതിനാല്‍ മറ്റ് അപകടങ്ങളും ഉണ്ടായില്ല. ചുറ്റുമതില്‍ പുറത്തോട്ട് ചരിഞ്ഞ നിലയിലാണ് വീണത്. തകര്‍ന്നുപോയ മതിലിന്റെ മറ്റൊരു ഭാഗത്ത് സ്വകാര്യ വ്യക്തിയുടെ കെട്ടിടത്തിനോട് ചേര്‍ന്നുള്ള ഭിത്തിയുടെ ഭാഗം അടര്‍ന്നു നില്‍ക്കുന്ന നിലയിലാണ് സ്ഥിതി ചെയ്യുന്നത്. ഈ ഭാഗത്തുള്ള മതില്‍ക്കെട്ട് എപ്പോള്‍ വേണമെങ്കിലും തകര്‍ന്നു വീണേക്കാം.
Content Highlights- School wall collapses in Vadakkancherry